تفهم ايه!؟ لما تلاقي مفتي حكومة الوفاق الليبية اللي بتحكم الجزء الغربي من ليبيا طالع امبارح وبيطالب الليبين والشعب المصري أنه ينزل يوم 25 يناير علشان يسقط نظام الديكتاتور “السيسي” وركز في الموعد كويس جداً ، وبعدين انت بتطالب الليبين ليه!؟ مش كفاية المصرين !؟ ولا انت بتخاطب الخلايا النائمة من الليبين الموجودين في مصر كمان وبشكل اوضح بقا !؟
◾طيب تفهم ايه!؟ بردوا أن الثوار الاحرار في سوريا اللي لسه محررين بلدهم من نظام بشار الأسد المجرم الدموي، بردوا بيطالبوا السورين والشعب المصري أنه ينزل يوم 25 يناير علشان يسقط نظام الديكتاتور “السيسي” وركز في الموعد تاني وبعدين بردوا ايه علاقة السورين وبطالبهم ليه بالنزول، طيب ما تركز في بلدك الاول وتبنيها وتخليها نموذج يحتذي بيه من الديمقراطية والرفاهية والحرية ابقي تعالي كلمني عن نظام الحكم في بلدي وحرضني بالنزول واسقاطة، ولا انت عايزها ننزل نخربها ونجيب واحد يسلم سيناء لإسرائيل زي ما عملت في جبل الشيخ وكل قري الجنوب السوري ونبقي في الهوا سوا!؟
◾طيب تفهم ايه!؟ بردوا أن الصوت اللي طلع من ليبيا وسوريا في التوقيت دة بيطالب بإسقاط النظام الظالم في مصر هو نفس الصوت بردوا اللي طلع في نفس التوقيت في السودان واليمن والعراق وغزة ، نعم !؟ اه والله زي ما بقولك كده وكأنهم متفقين مع بعض ومحددين الوقت والرسالة اللي هيقولك عليها، يعني اليمن اللي غرقانة في الإرهاب وسيطرة المليشات وعدم الاستقرار مع السودان اللي اتقسمت وولادها هربوا منها وجولنا في مصر لاجئين بعد ما شافوا العذاب هناك الوان ولسه بلدهم متجهه للتقسيم تاني وهتبقي 3 دول مش اتنين هما كمان عايزينك انت يا مصري تفشخ المنطق وتنزل تخرب بلدك بأيدك وتهدها علشان ترجع تبنيها تاني !؟
◾طب تفهم ايه!؟ من أن كل الدول اللي فاتت دية واللي خربت من سنين طويلة وعمرها ما هترجع تاني ولو بعد 50 سنة كلهم دلوقتي عايزينك تبقي احسن منهم!؟ طب كل اللي فات دة كوم وان نفس الصوت اللي بينادي بالنزول دة يطلع من جوا غزة، غزة اللي انت طول عمرك بتقدملها مساعدات مفيش دولة في العالم قدمتهالها غزة اللي انت طول عمرك بتحارب في كل المحافل الدولية علشانها وعلشان توصل لحل الدولتين وتبنيها وتعمرها وتجبر دول العالم للاعتراف بالدولة الفلسطينية!!.. اقولك اه متستغربش لان خلاص مبقاش فيه غزة تاني دلوقتي والسبب معروف “حمـــــاس” اه حماس ، حماس اللي جنودها دخلوا حدودك في سيناء واقتحموا السجون واطلقوا سراح الارهابين والمطلوبين وقتلوا الظباط والجنود المصرين علشان يزعزوا استقرارك ويعملوا إمارة إسلامية في سيناء وينفذوا مخطط التهجير الإسرائيلي ولا نسيت!؟ انا عمري ما هنسي.
◾كل دول اجتمعوا عليك انهاردة علشان ايه!؟ علشان تنزل تسقط نظام الديكتاتور “السيسي” ومصر تتحرر من الظلم ونبقي دولة تسود فيها الحرية والعدالة الاجتماعية والكرامة الإنسانية ونبقي ديمقراطية حقيقية كدة زي ما هما عملوا كدة في بلادهم ووصلوا ليها كده قبلنا.😁👈 تحت مبدأ حب لأخيك ما تحب لنفسك .. اصحي يا صاحبي وافتكر كلمة ابويا قالهالي من زمان محدش في الدنيا هيحب يشوفك احسن منه أبداً !!
◾هتقولي واحنا احسن منهم في ايه !؟ مش هرد عليك وهكتفي بس اني اقولك ” ياراجل عيني في عينك كدة 👀”
وهقولك خلي بالك اوي أن الهجوم علي مصر دلوقتي مختلف عن 2011 بكتير اوي ، لان ساعتها كان المخطط لسه في بدايته والجيوش النظامية العربية لسه بقوتها وموقعتش انما دلوقتي انت لوحدك بعد ما كل الجيوش العربية وقعت ودول الخليج دول محتلة بالقواعد الأمريكية ومفيش منها فايدة، وتعاظم أمر المليشات الإرهابية المسلحة لدرجه انها بقت تحكم دول !؟ ايوة بتحكم دول !👈 ساعة الصفر للهجوم عليك هتبدأ بمجرد ما تنزل يا مصري وتحاول تخرب بلدك.
◾اللي بيحصل دلوقتي كبير اوي لان الحلقة الاخيرة في المخطط قربت، اوي !؟ ابو محمد الجولاني دلوقتي بيطالب الأكراد وقوات قسد في سوريا بالتحكم في ملف 13 الف داعشي “زمايلة السابقين” في سجون الأكراد شمال سوريا، علشان عايز يبعتهملك في غرب ليبيا علي حدودك الغربية، وإسرائيل عمالة بتزق الفلسطينين ناحية سيناء وبتستعد لمخطط التهجير حتي لو بالقوة، وقوات الدعم السريع في السودان بتهدد جيش مصر وحدودك الجنوبية بشكل علني وصريح، والحوثيين في اليمن بيهددوا بغلق باب المندب، وإثيوبيا انت عارف بتحاول تعمل ايه كويس، وتركيا بتناوش معاك في البحر الأبيض المتوسط من فوق.
◾كل دول هيتحركوا في وقت واحد ساعة الصفر اللي قولتلك عليها علشان يسقطوا الجيش المصري، زي ما تركيا وامريكا وإسرائيل وجبهة تحرير الشام اتحركوا في وقت واحد لإسقاط الجيش السوري وحصل كل دول دلوقتي وزود عليهم “الإخوان الارهابين” بيجهزوا ليك وعاملين منتخب خسيس علشان يسقطوا مصر والجيش المصري وبيسعوا بكل قوة وبكل الوسائل، بس ارجع واقولك دايماً يا مصري، انت كلمة السر في المخطط دة ، يا نعدي ونبني بلدنا وحدة وحدة مهما كانت الظروف صعبة وزي الزفت علينا كلنا، يا بعد الشر ننزل ونهدها ومش هنلاقي بلد تانية نروحها وهتبقي خراب علي الكل، ولو كان فيه بصيص أمل بس كنا شوفناه في كل الدول اللي وقعت حولينا.
◾فهمت والرسالة وصلت!؟ خلي بالك بقا ووصل الرسالة لغيرك 👈 محدش هيضحك علينا تاني
💥 حفظ الله #مصر وشعبها وجيشها العظيم 🇪🇬
